خلطة الحواوشى المصرى وطريقة تحضيره بالخطوات والصور

طريقة عمل الحواوشى المصرى بالخطوات والصور

كلنا بنحب الحواوشى وخاصة اللى بيتقدملنا فى المطاعم , ولكن النهاردة ومن نجمة مصر بنقدم لست البيت طريقة تحضير الحواوشى وخلطته السرية من اكبر المطاعم داخل مطبخ , كل اللى عليكى هتتبعى الخطوات والمقادير المكتوبة وهتدعيلى لما تتذوقيه وافراد اسرتك يطلبوه منك مرة تانى , تعالوا بينا نشوف المقادير وطريقة التحضير .

 

 

 

 

المقادير :
10 أرغفة عيش بلدى
750 جم لحمة مفرومة
2 بصلة كبيرة
3 فلفل رومى كبير الوان
2 فلفل حار
ا ملعقة صغيرة فلفل أسمر
1 ملعقة صغيرة توابل لحم
1 ملعقة صغيرة كسبرة ناشفة
ا ملعقة صغيرة سمن
املعقة صغيرة ملح

طريقة التحضير :

*فى أناء عميق نبشر البصل ناعم و نضع خلطة التوابل( الفلفل و بهارات اللحم والكسبرة الناشفة ) للحم المفروم والملح .

* نقطع الفلفل الرومى الملون والفلفل الحار الى قطع صغيرة و يضاف للخليط السابق ، ثم قلبيهم جيدا

* فى طاسة ضعى السمن ثم أضيفيها على خليط اللحمة المفرومه .

* أدخلى خليط اللحمة المفرومة فى الثلاجة لمدة ربع ساعة .

* افتحى الرغيف من على الجانب بحيث يتم حشوه من المنتصف، و حضرى ورق الزبدة .

* أحشى الارغفة بخليط اللحمة المفرومة .. ثم أدهنى الوجه بقليل من الزبدة ، ثم لفيه بورق الزبدة .

* اتركيهم فى الفرن حتى يبدا ورق الزبدة فى الاحمرار أو حتى تتأكدين من نضج اللحم أو حتى يصير لونها ذهبى .

* قدمى الحواوشى مع سلطة الطحينة و المخللات المشكله وبالهنا والشفا .